Falto baal khatam karna

Hair removing ke liye jo ke aatay main thori si haldi mila ker goond lain aur rozana face per is ko mala karain ahista ahista baal khatam hona shuro ho jaen ge.

Germi Se Bachao

1.Germi main  subha walk per jaen.
2.Pani ziada se ziada istamal karain itna ke pishaab white anay lage.
3.Taza fruit ka istamal karain.
4.Taza vegetables ka istamal karain.
5.Thanday mashrobaat ka istamal karain.
6.Lemoon pani ka istamal karain.
7.Halkay rangon ke libaas use karain.
8.Subha shaam nahaen.

Chehray Ke Danay

Chehrey ke danay door karna
Acne Solution
Ziada ter chehray ke danay is liye hotay hain ke face per oil aa jata he ya skin oily hoti he is ke ilawa ager balon main khushki ho to bhi chehray per danay ho jatay hain .Is ka hal ye he ke aap chehray ki skin ko oily na hone dain or skin ko saaf rakhain .Aur baloon ki khushki door ker kay rakha karain or baal khol ker na rakhain.Is tarhan aap danon se mehfooz rahain ge.

Badaam Se ilaaj

Resha door karna
Ager nazla ya gala kharab ho aur akser resha ho jata ho to rozana raat ko sonay se pehlay teen danay badam aur teen kali mirchain chaba ker kha lain aik haftay main resha khatam ho jae ga.

Kalonji Se ilaaj 2

Dama theek karna
Is ke liye din main do baar aadha chamach kalonji tazay pani se kha lain to dama ke merz main faeda hota he.


Pait ke keeray
Ager kuch arsa kalonji khae jae to pait ke keeray mer ker kharij ho jatay hain.


Pait ki gas
Is ke liye rozana do baar saday pani se kalonji ka aadha chammach istamal karain chand dinon main gas theek ho jae gi.


Pait kam karna
Is ke liye rozana nahar moon aadha chammach kalonji pani ke saath istamal karain chand hafton main pait kam ho jae ga.

Gharelo totkay

Cheechak ke daagh door karna
Is ke liye pista leker is ka safoof bana lain .Raat ko sotay waqat is safoof ko daagh per 10 minutes tak maltay rahain phir so jaen 6maah main daagh aahista aahista theek ho jaen ge.


Nakseer band karna
Is ke liye neem ke pattay pees ker ser per rakhain is se nakseer band ho jae gi.


Flu theek karna
Is ke liye jaltay hoe koelon per thori si suger daal ker isay songhain zukaam door ho jae ga.


Jiger ke imraaz
Jiger ka koi bhi merz ho is ke liye raat ko aik radish ko shabnam main rakh dain subha nahar moon is ko kha lain teen haftay main jiger ke imraaz door ho jaen ge.


 Kali khansi ka ilaaj
Is ke liye haldi ki ganthain aag per bhoon lain aur iska safoof bana ker shishay ki bottle main rakh lain rozana teen mashay subha shaam istamal karain chand dinon main faeda hoga.


Bukhaar kam karna
Ager taiz bukhaar ho to bakri ka dood haath ,paon aur ser per malian bukhaar foran oter jae ga.


Haath jal jana
Ager haath ya jisam ka koi aur hissa jal jae to foran serson ka oil lagaen ya jalay hoe hissay ko serson ke oil main dobo dain chhalay nahain parain ge.


Zakham aaram karna
Is ke liye ghee main neem ke pattay jala lain phir is tail ko zakham per lagaen to zakham jald aaram ho jae ga.

Dantoon(teeth) Ki Problems

Tips For Teeth In Urdu

Peelay dant safaid karna
Is ke liye lemon ka ras brush ki madad se danton per lagaen chand dinon main daant safaid ho jaen ge.


Daant mazboot karna
Is ke liye namak pees ker serson ke oil main mila ker rakh lain rozana sotay waqat ye paste dantoon per laga ker thori dair raal tapkaen phir so jaen chand hafton main daant mazboot ho jaen ge.


Daant main keera
Is ke liye long ka oil din main teen dafa lagaen chand dinon main daantoon ke keeray khatam ho jaen ge.


Masooron se khoon aana
1...Masoron se khoon tab aata he jab pait main koi kharabi ho lehaza is ka ilaaj kerwaen.
2...Ager insaan ziyada dair khali pait rahe to bhi masooron se khoon aajata he.Is liye pait ko aath(8) das(10) ghanton se ziyada khali na rakhain.


Masoron ka waram door karna
Is ke liye mushak ,kafoor aur noshader aik aik tola pees ker mix ker lain aur subha shaam masoron per lagaen chand dinon main waram bilkul theek ho jae ga.

Azmooda Totkay

High blood pressure
Is ke liye rozana raat ko sonay se pehlay aik tea spoon pisa hoa zeera saaday pani ke saath khaliya karain chand dinon main high b.p theek ho jae ga.


Qabaz door karna
Is keliye thori si sabaz harer le ker iske chilkay otaar ker pees lain phir shehad mix ker ke chanay ke baraber goliyaan bana lian her khanay ke saath teen goliyaan tazay pani ke saath khaliya karain.


Sugar ka ilaaj
5 badam ki giriyaan pees lain phir in main aik lemon ka ras mila ker nahar moon  kha lain bees din main sugar ka merz khatam ho jae ga.


Dil ki ghabrahat
Is ke liye carrot ka halwa istamal karain aur nahar moon apple dood ke saath istamaal karain.


Neend na aana
Is maslay ke liye do adad choti ilaechi moon main rakh ker chabaen thori dair main neend aa jae gi.

Laal Mirch Se ilaaj

Daant ka derd
Is ke liye chaar adad saabut laal mirch ko aik pao pani main halki aanch per obalain jab pani aadha reh jae to choola band ker dain jab pani neem garam reh jae to is pani se kulli karain daant ka darad khatam ho jae ga.


Pait ka derd
Daant ke darad ke liye jo pani banaya he is main thora sa namak aur noshader mila ker pee lain aur is pani ki malish bhi karain pait ka darad door ho jae ga.


Kaan ka derd
Is ke liye das sabut laal mich ko tili ke tail main daal ker halki aanch per josh dain jab mich jal jae to tail chan lain jab neem garam reh jae to chaar bondain kaan main dalain 15 minutes main kaan ka darad door ho jae ga.


Kharish ka ilaaj
Kaan ke darad ke liye jo tail banaya he is tail ki subha shaam malish karain to kharish door ho jae gi.

Namak Se ilaaj

Galay ka darad
 Is ke liye neem garam pani main aadha chammach namak mila ker gararay karain  galay ka darad door ho jae ga.

Moon se raal behna
Is ke liye thora sa namak pani main mila ker pi lain aaram aa jae ga.

Mirgi se hifazat
Ager haath main namak ka dala rakh liya jae to mirgi ka dora nahi paray ga jab tak haath main namak ho ga.

Hont phatna
Is ke liye ghi main namak mila ker naaf per laga lain teen din main hont theek ho jaen ge.

Zeher ka aser kam karna
Cow ke ghi main namak mila ker khanay se zeher ka aser kam ho jata he.

Dhatoora ka zeher door karna
Pani main namak mila ker pinay se dhatora ka zeher uter jata he.

Ankhon Ke Siyah Halkay Door Karna

Ankhon ke siyah halkay(Dark Circles)door krne ke liye mandarja zail hidayaat per amal karain.

1...Muragan gizaon se perhaiz karain.

2...Fresh vegetables istamal karain.

3...Fresh fruits ka ras rozana istamal karain.

4...Zehni dabao se apnay aap ko bachaen.

5...Tea ka istamal band ker dain.

6...Dry fruits se perhaiz karain.

7...Rozana nahar moon aik lemon ka ras pani mian mix ker ke pi lain.

8...Subha khuli aur taza hawa main gehri saansain lain.

9...Apni body aur eyes ko ziyada se ziyada aaram dain.

10..Dhoop aur serdi se aankhon ko bachaen.

11..Rozana subha chehal qadmi karain.

12..Ankhon ki problems main dark circles ka jo ilaaj darj he is per bhi amal karain to chand dinon main aankhon se siyah halke door ho jaen ge.

Glasreen Se ilaaj

Bachon ke dant nikalnay ke masail
Jab nannay bachon ke dant nikal rahe hon aur danton aur masooron main dard ho to masooron per glasreen ki malish karain  aram aa jae ga.

Zaban jal jana
Ager garam chae(tea) se zaban jal jae to din main do baar zabaan per glasreen lagaen  aaram aa jae ga.

Saans ki badboo
Is ke liye aik glass garam pani main aik tea spoon glasreen mila ker garagay karain saans khushgawar ho jae gi.

Ser ki khushki,Dandruff
Is ke liye ser per glasreen ki malish karain aur aik ghantay ke baad dho lain khushki door ho jae gi.

Jild naram karna
Is ke liye sonay se pehlay glasreen ki malish karain chand dinon main skin  soft ho jae gi.

Skin ki phoriyaan
Is ke liye din mian do baar glasreen lagaen chand dinon main in ka nishan tak mit jae ga.
Haath Paoon ke dhabbe door karna
Is ke liye rozana glasreen main lemon ka ras mila ker lagaya karain dhabbe door ho jaen ge.

Lipstick ke daagh door karna
Is ke liye daagh per galasreen malian phir pani se dho lain.

Paseenay ke daagh door karna
Is ke liye bhi daagh per galareen mal ker pani se dho lain.

Kalonji Se ilaaj

Shogar ka ilaaj
Is ke liye aadha chammach kalonji subha sham istamal karain aahista aahista maraz door ho jae ga.

Ganj ka ilaaj
Is ke liye kalonji aur mehndi pees ker sirke main hal ker kay lagaen her do din ke baad lagaya karain kuch arse main baal ugna shuro ho jaen ge.

Sar  darad
Is ke liye jab darad ho to kalonji ka oil ser aur mathay per mal lain darad door ho jae ga.

Yaddasht taiz karna
Is ke liye kalonji ke saat(7) danay pees ker aik chamach shehad aur 10 qatray kalonji ke oil ke saath kha lain.

Motiya ka ilaaj
Ager motiya ke merz ke shuro main kalonji ke oil ka aik qatra rozana aankhon main dalain to motiya theek ho jata he.


Kaan ki sozish 
Is ke liye kalonji aur olive oil hum wazan boil ker kay jab neem garam reh jae to kaan main dalain.


Dant ka darad
Is ke liye kalonji ka oil aur clove oil aik aik qatra mila ker lagaen.

Danton ka mail door karna
Is ke liye lahori namak aag main jala ker bareek pees lain is main chand qatray kalonji ka oil aur serson ka oil mila ker danton per mal lain.

Khansi  theek karna
Is ke liye aik tola alsi koot ker aik pao pani main boil karain jab pani aadha reh jae to chan ker 14 qatray kalonji ka oil aur do tola shehad mila ker pilaen.


Dama (Asthema)  ka ilaaj
Is ke liye namak, kalonji ka oil neem garam ghee main mila ker chati aur galay ki malish karain is ke saath saath 12 qatray kalonji ka oil do tola shehad ke saath pi lain.

Motapa Door Karna

1...Subha nahar moon garam pani main shehad mix ker kay peenay  se zaid cherbi khatam ho jati he.

2...Subha nahar moon aik glass garam pani main lemon ka ras mila kr pinay se zaid cherbi khatam ho jati he.

3... Nahar moon aur lunch ke baad qehwe main lemon ka ras mila kr piya krain.

4...Lemon ka achar motay logon ke liye faida mand he.

5...Din main teen baar lemon ka ras pani main mila kr piya krain.

6...Khanay ke baad thori si ajwayan pani ke saath kha liya karain.

7...Salad ka use khanay ke saath lazmi karain.

8...Adrak ki chae piya krain.

9...Ghi ke bajae khanay ka tail istamal karain.

10..Chawal, aalo, mtar,gobi,ghi aur dosri baadi cheezain kam istamal krain.

11..Rozana rassa tapnay ki warzish karain.

12..Rozana nahar moon orange juice piya karain.

13..Rozana nahar moon teen lehsan ke jawe pani se saath nigal liya karain.

14..Apple khanay se pait halka ho jata he.

Moon Aur Zabaan Ki Problems

Tips For Mouth And Tongue In Urdu
Moon se badbo aana
Is ke liye rozana teen baar sonf chabaen moon se badbo aana band ho jae gi.


Zabaan main luknat
Is maslay ke liye sonf, sabaz ilachi ke danay aur badam ki giri aik aik tola aur koza misri paanch tola in sab ko pees lain aur is safoof ko baar baar kuch waqfay se zabaan per rakh ker chosnay se zabaan ki luknat door ho jati he.


Zabaan ke chalay
Is ke liye neem garam pani se kulli karain phir zabaan ko sooti kapray se khushak karain aur foran zabaan per glasreen laga lain.Do teen din main hi zabaan ke chalay theek ho jaen ge.

Injeer Se ilaaj

Rang nikharna
Is ke liye rozana nahar moon teen danay injeer ke istamal karain aik maah main rang nikher jae ga.

Chehray ke daagh door karna
Is ke liye injeer ke dood main jo ka aata goond ker daagh per lagaen chand haftoon main daagh door ho jaen ge.

Motapa door krna
Is ke liye rozana nahar moon teen danay injeer ke istamal karain chand haftoon main motapa door ho jae ga.

Qabaz door karna
Is ke liye rozana nahar moon paanch danay injeer ke kha liya karain chad dinon main qabaz door ho jae gi.

Pittay main pathri 
Is ke liye chand haftay injeer istamal karain zaroor afaqa ho ga.

Gurday fail hona
Ager zindagi itni mohlat de ke kuch arsa injeer khae ja sakay to chand haftay injeer khanay se faeda hota he.

Bawaseer ka ilaaj
Is merz ke liye injeer ko bohat mofeed paya gaya he.Rozana nahar moon teen danay injeer ke kha liya karain do maah main bawaseer door ho jae gi.

Ahtiyaat
Injeer aur khajoor ko aik saath istamal na karain.

Paani Se ilaaj

High blood prssure 
1...Ager nahanay ke baad aik glass pani pi lain to high blood pressure theek rehta he.
2...Nahar moon char glass pani pi lain aur 45minutes baad nashta karain to aik haftay main high blood pressure theek ho jata he.Pehlay din aik glass pani peena he phir rozana aadhay glass ka izafa kertay jaen aur chaar glass tak pohanch jaen phir char glass pani nahar moon piya karain .

Ahtiyaat
Dil ke mareez , falij ke mareez, zaeef aur kamzoor afraad ye amal(pani se ilaaj) na karain.

Motapa door karna
Is ke liye rozana nahar moon teen glass pani pee lain aur 45 minutes baad nashta karain chand haftoon main motapa door ho jae ga.

Falij aur heart attach se hifazat
Is ke liye rozana sonay se pehlay aadha glass pani pi liya karain.


Qabaz door karna
Is ke liye rozana nahar moon teen glass pani pi lain aur nashta 45minutes baad karain to paanch din main qabaz door ho jae gi.


Maida theek karna
Ager khanay se pehlay aik glass pani pi liya jae to maida theek rehta he.

Hont(lips) Ki Problems

Tips For Lips In Urdu

Hont ka phatna
Is ke liye rozana anaar istamal karain chand dinon main hont phatna band ho jaen ge.

Hont neelay hona
Is ke liye lemon ka ras aur glasreen mila ker rakh lain aur isay rozana hontoon per lagaen hont theek ho jaen ge.

Hont khubsorat karna
Is ke liye rozana raat ke waqat dood main zafraan mila ker pi liya karain chand dinon main hont khubsorat ho jaen ge.


Hont patlay karna
Is ke liye phitkari pees ker is main arqe gulaab mila lain is ko rozana honton per lagaya karain chand dinon main faeda mehsoos ho ga.


Honton ki siyahi door karna
1...Is ke liye rozana timater ka ras honton per mala karain. 
2...Kheeray ka ras honton per malnay se bhi siyahi door ho jati he.


Hoton ki khushki door karna
Is ke liye lemon ka ras ,glasreen aur arqe gulaab mila ke rakh lain isay rozana honton per lagaya karain do teen din main hi honton ki khushki door ho jae gi.

               

Kaan(Ear ) Ki Problems

Tips For Ear In Urdu

Behtay hoe kaan
Is ke liye moli ke patton ko garam ker ke kaan mian nichorain to behtay hoe kaan theek ho jaen ge.

Kaan main pani perna
Ager kabhi kaan main pani chala jae to ultay paoon chalain to kaan ka pani nikal jae ga.


Zewer pehenne se kaan ka dukhna
Is ke liye jab bhi masnoe zewer pehanna ho to is ko pehanne se pahlay kaanon per thori si vasleen laga liya karain 


Kaan ka darad
1...Ager kaan main darad ho jae to kaan main rogane badaam dalain kaan ka darad khatam ho jae ga.
2...Piyaaz ka araq dalnay se bhi darad door ho jata he.
3...Serson ka oil halka sa garam ker kay kaan main dalnay se bhi darad door ho jata he.


Kaan main ant ya keeray ka chalay jana
Ager kabhi aisa ho jae to serson ke oil se kaan ko bher lain is tarhaan ant ya keera oper aa jae ga phir keera tinkay se nikal ker kaan ka oil saaf ker lain.

Baal (Hair) Ki Problems

Tips For Hair In Urdu

 Baloon ki khushki door karna
1...Is ke liye aadhi piyali dahi main aik anda phant ker mila lain is ko baloon main laga lain aur do ghantay baad dho lain.
 2...Narial ke oil ki malish kernay se bhi khushki door ho jati he.

Lambay ,ghanay aur chamakdar baal
Is ke liye amla, reetha aur sikakae raat ko pani main bhigo dain aur subha pees ker ser main laga lain phir do ghantay baad dho lain chand dinon main baal lambay ghanay aur chamakdar ho jaen ge.

Ball barhanay ke liye
Is ke liye panch tola khali serson ko aik pao pani main obal ker thanda ker lain phir is main lemon ka ras mila lain is ko baloon ki jaron main lagaen chand haftoon main baal barhna shuro ho jaen ge.


Baal safaid hona 
Is ke liye baalon main zaitoon ka oil lagaen baal safaid hona band ho jaen ge.Aur haftay main do baar kalay chanay paka ker khaya karain aur aalo gobi aur chawal ka istamal band ker dain.

Baal do moon hona
Is maslay ke liye rozana serson ke tail ki malish karain aur salad ka istamal barha dain aur proteen wali ghiza maslan anda dood aur dalain wagera istamal karain baal do moon hona band ho jaen ge.

Haath,Nakhun Aur Paron(foot) Ki Problems

Haath Aur Nakhun Ki Problems
Tips For Hands And Nails In Urdu

Haath ka mail door karna
Haath ka mail door karne ke liye kalay ke chilkay haath per ragrain to mail door ho jae ga.


Haath naram karna
Is ke liye haath naram kernay ke liye haathon per zetoon ka oil malian hath naram ho jaen ge.Timater ka ras haathon per malnay se bhi haath naram ho jatay hain.


Ungliyon(finger) ki lambae barhana
Is ke liye rozana is tahan warzish karain aik haath ki ungliyon ko dosray hath ki ungliyon main phabsa ker khainchain.aisa baar baar karain is se fingers ki lambae barh jae ge.


Nakhun ka tootna
Is ke liye do tola pisi hoe phitkari main do lemon ka ras mila lain phir is amaizay ko roe ki madad se nakhun per lagaen chand dinon mainnakhun tootna band ho jaen ge.


Nakhun ki kharab rangat
Is ke liye do tola bhains ke dood main aadhay lemon ka ras mila lain phir is main nakhun dobo lain chand dinon main faeda ho ga.


Nakhun lambay karna
Is ke liye rozana nakhun ko lehsan ke pani main doboya karain chand dinon main nakhun lambay hona shuro ho jaen ge.

Paon(foot) ki Problems
Tips For Foot In Urdu

Paron mai pasina aana 
Is ke liye jotay pehannay se pehlay paron ke talwon per thori si pisi hoe phitkari mal lain to pasina nahi aaega.


Phati hoe ariyaan 
Is ke liye rozana sonay se pehlay paon ko 15minutes tak qabale bardasht pani main bhigo lain phir khushak ker kay in per petrolium gell laga lain aur socks pehan ker so jaen chand din aisa kernay se ariyaan theek ho jaen gi.


Tang shoe ko behter karna
Is ke liye falaleen ke kapray ko taiz garam pani main bhigo ker nichor lain aur is ko jotay main rakh dain.germi ke sabab jota phayl jata he.


Paron ki badbo door karna
Is ke liye gole bagan ke char hissay ker lain aur in ko aik kilo pani main obaal lain jab neem garam reh jae to is se paon dho lain haftay main aik baar ye amal ker lain to paron ki badbo hamesha ke liye door ho jae gi.


Hath aur paon ki germi
Ager haath ya paron main jalan ya germi mehsoos hoti ho to kharbozay ke beej aur goda le ker hath aur paon main malain garmi door ho jae gi.


Paon ki moch theek karna
Moch wali jaga per garam pani se sikae karain phir gero pees ker aik anday ki zardi main mila lain is laip ko moch wali jaga per laip karain aur oper se kisi kapray ya roe ki madad se sikae karain moch theek ho jae gi

Chehray Aur Aankhon Ki Problems

 Chehray Ki Problems
Tips For Face In Urdu

Chehray ko surkh-o-safaid karna
Is ke liye podinay  ko pani main halki aanch per 20minute tak obalain aur chan ker frige main rakhain ya roz taza banaen.Rozana nahar moon ye pani do chammach pi liya karain chand dinon main rang surkh-o-safaid ho jae ga.


Chehray ki jhurriyaan
Is ke liye rozana do baar taza lemon ka ras chehray per malian aur aadhay ghantay baad dho lain do haftay main jhurriyaan khatam ho jaen gi.


Chehray ki jhaeyaan
Is ke liye paanch tola apple ke beej leker bareek pees lain is main aik tola haldi milaen aur is main itna lemon ka ras aur arqe gulaab milaen ke paste ban jae.Isko rozana raat ko chehray per lagaen do haftay main jhaeyaan door ho jaen gi.


Chehray ke siyaah dhabbay
Is ke liye paanch tola moli ke beej pees ker powder bana lain raat ko is main itna dahi milaen ke paste ban jae phir is ko chehray per lagaen aik ghantay baad dho lain do haftay main dhabbay door ho jaen ge.


Chehray ki kharish
Is ke liye moli ka pani chaan ker pun nikaal ker chehray per malain aur 15minute baad dho lain .Teen din main kharish door ho jae gi.


Chehray ke bareek danay
Is ke liye kali mirch ko gharay per rager ker is laip ko chehray per lagaen teen chaar dinon main danay khatam ho jaen ge.


Chehray ka rang nikharna
Is ke liye lemon ka ras, glasreen aur arqe gulaab baraber miqdaar main mila ker rozana chehray per lagaen chand dinon main rang nikher jae ga.

                              

                                                                                                                                                              

Aankhon Ki Problems
Tips For Eyes In Urdu

Ankhon ke siyah halke door krna
1...Is ke liye rogan-e-badam halkon per mal liya karain siyah halkay door ho jaen ge.
2...Aalo ke katay halkon per rakhnay se bhi faeda hota he.


Palkain lambi aur ghani karna
1...Is ke liye rozana raat ke waqat serson ka oil lagaya karain chand hafton main palkain lambi aur ghani ho jaen gi
2...Shehad aur arqe gulaab mila ker palkon per laganay se bhi faeda hota he.


Ankhon ki surkhi door karna
Is ke liye bakri ke dood main roe ke tukray bhigo ker aankhon per rakhain chand dinon main surkhi door ho jae gi.


Nazer taiz karna
Is ke liye sonf, misri aur badam baraber miqdaar main pees ker mix ker lain aur rozana sonay se pehlay aik chammach ye safoof dood ke saath kha liya karain lekin is ke baad pani na piyen.Kuch arsa aisa kernay se nazer taiz ho jae gi.


Bhawain ghani karna

Iske liye rozana zetoon ke oil ki malish kiya karain chand hafton main bhawain ghani ho jaen gi.